ОХУ, БНХАУ хэт дотносож байгаад сэтгэл зовнижээ

Сүүлийн үед Хятад, Оросын хамтын ажиллагаа улам бүр дотно болж байгаад Литва улс ихээхэн сэтгэл түгшиж, үүний эсрэг тэнцүүлэх арга хэмжээ авах ёстой талаар мэдэгджээ. Литва улсын Гадаад хэргийн сайд Габриэлюс Ландсберги нь Европын холбооны Гадаад хэргийн сайд нарын уулзалт дээр Ландсбергис нь үг хэлэхдээ Хятад Оросын хэт нягт хамтын ажиллагаа ба тэдгээрийн үүсгэж байгаад гибрид аюул заналхийлэлд сэтгэл зовниж байгаагаа илэрхийлээд үүний эсрэг тэнцүүлэх алхам болгож Атлантын далай дамнасан харилцааг, Японтой явуулж байгаа харилцаагаа идэвхжүүлэхийг уриалсан байна. Түүнчлэн Литва улсын гол хамтрагчдын нэг АНУ нь улам бүр өсөн нэмэгдэж байгаа Хятадын аюулын талаар дэлхий дахинд анхааруулсан гэдгийг Литва улсын Гадаад хэргийн сайд онцолжээ. 

Литва улсын тагнуулын албаны 2020 оны тайланд БНХАУ-ыг Литвад учруулж байгаа аюулаараа Оросын дараа орох улс гэж заасан байжээ.

Судлаачдын үзэж байгаагаар Бээжин нь 2013 оныг хүртэл Литватай тун боломжийг харилцаатай байсан аж. Литвагийн Клайпеде дэх боомт нь Балтын тэнгистээ хамгийн томд орох бөгөөд тун ашигтай байрлалтай. Иймд Хятадын Клайпеде боомтод хөрөнгө оруулалт хийж хөгжүүлээд “Шинэ торгоны зам” төслийнхөө чухал салаа мөчир, Балтын тэнгис дэр тулгуур болгох төлөвлөгөөтэй байсан юм байна. Гэтэл энэ бүхэн ганцхан уулзалтаар замхран алга болсон. 2013 онд тухайн үеийн Литва улсын Ерөнхийлөгч Даля Грибаускайте нь нийслэл Вильнюсдээ XIV Далай ламыг хүлээн авч уулзсан байна. Үүний дараа Хятад нь энэ улстай харилцаагаа хөгжүүлэхийг тодорхойгүй хугацаагаар хойшлуулжээ.