ИРГЭД ОЛОН НИЙТЭД ЗОРИУЛСАН “НЭЭЛТТЭЙ ХААЛГАНЫ ӨДӨРЛӨГ” БОЛНО

Засгийн газрын үйл ажиллагааг иргэдэд сурталчилах зорилгоор "Нээлттэй хаалганы өдөрлөг"-ийг өнөөдөр 09-17:00 цагийн хооронд зохион байгуулахаар болсон байна. Мөн Аввтотээврийн үндэсний төвөөс иргэд, тээвэрчдэд үйл ажиллагаагаа танилцуулах болон зөвлөгөө өгөх юм.

Өөрөөр хэлбэл санхүүгийн ил тод байдлыг ханган холбогдох мэдээллийг танилцуулах, иргэдэд төрийн үйлчилгээг газар дээр нь нэг цэгээс үзүүлэх, хууль эрх зүйн зөвлөгөө өгч, мэргэжил арга зүйгээр хангах зэрэг үйлчилгээ үзүүлнэ.

Үүнд:

Улс, хот хоорондын нийтийн зорчигч болон ачаа тээвэр, шуудан, жуулчин тээвэрлэлтийн үйлчилгээний талаар мэдээллэх

Техникийн хяналтын үзлэг оношлогоо хийж зөвлөгөө, зааварчилгаа өгөх

Улс, хот хоорондын ачаа, зорчигч тээвэрлэж байгаа тээврийн хэрэгслийн байршил тогтоох /GPS/, шуурхай зохицуулалтаар хангах, аюулгүй тээвэрлэлтийн үйл ажиллагааны талаар мэдээлэл өгөх, танилцуулах

Тээвэрлэлтийн гэрээгүй тээврийн хэрэгслээр зорчихгүй байхыг анхааруулах, хууль бус тээвэрлэлтийн хор уршигын талаар мэдээ, мэдээлэл өгөх

Тээврийн хэрэгслийн улсын дугаар олгох, шилжилт хөдөлгөөн импортын бүртгэл хийх

Тээврийн хэрэгслийн лавлагаа олгох, хасалт хийх

Мэргэшсэн жолоочийн шалгалт авах, лавлагаа өгөх

Онлайн тасалбар борлуулалтын системийн танилцуулга хийх, мэдээлэл өгөх

Үйлдвэрийн газрын 2017 оны худалдан авалтын төлөвлөгөөг танилцуулах, мэдээллэх,

1900-1234 лавлах үйлчилгээ ажиллах, Автотээврийн салбартай холбоотой мэдээ мэдээллийг өгөх зэрэг ажлуудыг зохион байгуулж автотээврийн нэг цэгийн үйлчилгээг иргэдэд түргэн шуурхай хүргэх болно.

Тус өдөрлөгт Төрийн өмчийн бодлого зохицуулалтын газар, МИАТ, "Улаанбаатар цахилгаан түгээх сүлжээ", "Мэдээлэл хобооны сүлжээ", "Монгол шуудан", "Мэдээлэл технологийн үндэсний парк", "Монголын цахилгаан холбоо", "Хөрөнгийн бирж" зэрэг төрийн өмчит болон төрийн өмчийн оролцоотой хуулийн этгээд, төрийн өмчит үйлдвэрийн газруудаас гадна Нийслэлийн өмчийн харилцааны газар, Нийслэлийн худалдан авах ажиллагааны газар оролцох юм.