Н.ЭНХБАЯРЫГ БҮРТГЭСЭНГҮЙ

Өнгөрсөн долоо хоногт МАХН-ын гишүүд намын даргаа нэр дэвшихэд хуулийн хүрээнд саадгүй боллоо хэмээн иргэдэд мэдээлсэн. Гэтэл СЕХ-оос өчигдөр нэр дэвшигч Н.Энхбаярыг бүртгэхээс татгалзсан байна. СЕХ-оос мэдээлнээр хэд хэдэн үндэслэл байгаа аж. Үүнд:

1. Нэр дэвшигчийн бүрдүүлэх ёстой баримт, бичиг дутуу. Тухайлбал, хилийн албаны тодорхойлолт хавсаргаагүй.
2. Ял шийтгүүлж байгаагүй гэсэн шаардлагыг хангаагүй. Өөрөөр хэлбэл, ялтайд тооцох хугацаа дуусаагүй. Цагдаагийн ерөнхий газрын тодорхойлолт болон Сүхбаатар дүүргийн шүүгчийн захирамжид дурдсанаар түүнийг ялтайд тооцох хугацаа 2017 оны наймдугаар сарын 2-нд дуусах аж.
3. Мөн Ерөнхийлөгчийн сонгуульд нэр дэвшигч нь 5-аас доошгүй жил эх орондоо тасралтгүй оршин суусан байх шаардлага хангаагүй. Тодруулбал, Н.Энхбаяр нь 2013 оны 8 дугаар сарын 13-наас 2014 оны 10 дугаар сарын 9-ныг хүртэл буюу 13 сарын турш эх орондоо байгаагүй хэмээн үзжээ.

Харин АН-аас нэр дэвшигч Х.Баттулга болон МАН-аас нэр дэвшигч М.Энхболд нарыг бүртгэсэн байна.