Л.Оюун-Эрдэнэ: Засгийн газраас гаргаж буй арга хэмжээг "Эрдэнэт үйлдвэр" ТӨҮГ дааж чадна гэж тооцсон

Монгол улсын ЗГХЭГ-ын дарга Л.Оюун-Эрдэнэ: “Эрдэнэт үйлдвэр” ТӨҮГ-ыг 2019 оны 01 дүгээр сарын 04-ний өдөр Сингапур улс руу шилжүүлэх үйлдэл гарч байснаас үүдэн ЗГ “Эрдэнэт үйлдвэр” ТӨҮГ-т онцгой дэглэм тогтоож байсныг та бүхэн санаж байгаа. Хэрвээ онцгой дэглэм тогтоогоогүй бол Сингапурт 49 хувиа алдах эрсдэл бий болсон байсан. Арбитрын маргаантай асуудлыг 2021 оны 07 дугаар сард үүсгэх бэлтгэл ажил хангагдаад явж байгаа мэдээллийг бид бүхэн авч байгаа. Гэхдээ энэ нь биелэхгүй гэдгийг хэлье.  “Эрдэнэт үйлдвэр” ТӨҮГ 2016 онд улсад 184 тэрбум төгрөгийн татвар төлж байсан бол, 2017-2018 онд 400-450 тэрбум төгрөг, 2019 онд 963 тэрбум төгрөг, 2020 онд 1 их наяд төгрөг төлж байна. Энэ хугацаанд зэсийн үнэ өсөөгүй гэдгийг та бүхэн мэдэж байгаа. Эрдэнэт үйлдвэр Засгийн газраас авч байгаа энэхүү арга хэмжээг даагаад гарна гэж үзэж байгаа учир нь татварын дараах цэвэр ашиг нь 550 тэрбум төгрөг байгаа. Үүнийг тооцож үзсэн.

Эрдэнэт үйлдвэрийн захиралуудын тансаглалтай холбоотой асуудал гарсан нь үнэн. Энэ бол амжилтандаа бардсан үйлдэл. Засгийн газраас хоёр ч удаа хуулийн том сануулга өгсөн. Хэрвээ дахин алдаа гаргах юм бол ажлаас халах арга хэмжээ авна. Төрийн өмчит бусад компаниудын хувьд ашигтай ажиллах эсэх асуудал дээр онцгой анхаарч ажиллаж байгаа.