Золгүй байдлаар гурван хүүхдээ алдсан эмэгтэй амаржиж хүүтэй болжээ

Өнгөрөгч 2020 оны 02 дугаар сарын 05-ны өдөр Дархан-Уул аймагт 1-5 настай гурван хүүхэд хэрэглээний халуун усанд түлэгдэн амиа алдсан харамсалтай осол гарч, олон хүний сэтгэлийг эмзэглүүлж байсан юм. Тэгвэл амиа алдсан хүүхдүүдийн ээж амаржиж хүсэн хүлээсэн хүүгээ өлгийдөн авсан байна. Тэрээр өөрийн цахим хуудастаа "Хүсэн хүлээсэн хөөрхөн ханхүүгээ өлгийдөн авлаа. Үргэлж урмын үгээр тэтгэж байсан хөөрхөн ээжүүддээ баярлалаа. Ахиад ийм хөөрхөн үртэй болж сэтгэлээ дэвтээх шиг сайхан зүйл энэ хорвоо дээр алга. Ахиж ээж нь хажуунаас нь холдохгүй. 3 охины минь нэг нь ч гэсэн эргэж ирсэнд маш их баярлаж догдолж өдөр болгон хайранд умбах шиг сайхан байна. Та бүхэндээ эрүүл энх, аз жаргалыг хүсье. Энэ хугацаанд маш их тэвчсэн тэвчээрийг минь бурхан шагнасан юм болов уу эсвэл үрсүүд минь ээждээ эргэж ирэхийг бодсон юм болов уу" хэмээн бичжээ. Эх үр хоёрт эрүүл энхийг хүсье.