А.Оюунчимэг: Сэлэнгэ аймгаас ирж ЭХЭМҮТ-д эмчлүүлж байгаад амь насаа алдсан 10 настай охинд хийгдсэн эмчилгээ задлан шинжилгээгээр тохирсон

ЭХЭМҮТ-ийн Чанарын албаны дарга А.Оюунчимэг: Сэлэнгэ аймгийн Мандал сумын эмнэлэгээс 10 настай охин 11 сарын 20-ны өдөр 22-н товчоон дээр ирсэн. Манай ЭХЭМҮТ-ын яаралтай түргэн тусламж дуудлагын дагуу охиныг авах гээд очих хугацаанд охин ээжийн хамт 22-н товчоогоор УБ хот руу нэвтэрсэн байсан. Ингээд 11 дүгээр сарын 20-ны өдрийн 20:00 цагт ЭХЭМҮТ-ийн яаралтай тусламжийн тасгаар орж ирсэн байдаг. Бид журмын дагуу ковидын шинжилгээг авч тусгаарлалтах өрөөнд авсан. Тухайн үед 1 эмч, 1 сувилагч гарч ажилласан байгаа. Охиноос авсан ковидын шинжилгээний хариу 11 сарын 21-ний өглөө 05:00 цагт сөрөг гарсан тул эрчимт эмчилгээний тасаг руу шилжүүлсэн. Эрчимт өрөөний тасаг мөн дотроо дахин тусгаарлах өрөөтэй байдаг. Үүний дагуу мөн нэг эмч, сувилагчийг гаргаж өгсөн. Хүүхэд тархиндаа цус харвасан байсан. Ингээд хүүхэд ирсэн цагаас эхлэн 2 багаар 3 өдөр дараалан ажилласан. Охины ээжийг ЭХЭМҮТ-д ирэхэд нь мөн тусгаарласан байсан бөгөөд ээжийнх нь шинжилгээний хариу 11 сарын 22-ны өдрийн 10:00 цагт сөрөг гарсан тул эрчимт эмчилгээний сахиурын дагуу ээж нь охинтойгоо байсан. Харамсалтай нь охин 11 дүгээр сарын 25-ны өдөр нас барсан юм. Эмнэлэгийн зүгээс бид стандарт эмнэлзүйн дагуу авах ёстой бүх арга хэмжээг авч, эмчилгээг хийсэн. Задлан шинжилгээний дүгнэлтээр охинд хийгдсэн онош тохирсон байгаа хэмээн хэллээ.