Тусгай үүргийн онгоцоор энэ сард эх орондоо ирэх байсан иргэдийн онгоцны тасалбар хүчинтэй

Монгол улс гадны улсаас өнгөрсөн хугацаанд нийт 27100 гаруй иргэдээ эх орондоо авчрах тусгай нислэгүүдийг үйлдэж байсан ч дотооддоо вирусийн тархалтыг  алдсанаас үүдэж 11 дүгээр сард үйлдэх байсан бүх нислэгийг цуцлаад байгаа. Энэ сард Сөүл-Улаанбаатар, Франкфурт-Улаанбаатар, Токио-Улаанбаатар чиглэлийн долоон нислэгийг үйлдэх байсан ч цуцлах шийдвэр гараад байгаа юм. Нийт 10 удаагийн нислэгээр 1980 иргэнийг эх орондоо авчрахаар төлөвлөөд байсан ч ийнхүү тодорхойгүй байдлаар хойшилж байна. Учир нь тийзээ захиалсан байсан иргэдийн хувьд тасалбар хүчинтэй бөгөөд нөхцөл байдал намжсаны дараа нислэгүүдийг хэвийн үргэлжлүүлэхээр төлөвлөж байна. “МИАТ” компанийн онгоцны билет захиалсан бол дараагийн тусгай үүргийн нислэг товлогдохоор шилжүүлж болно. Бусад “МИАТ” ТӨХК-ийн нислэгтэй холбоотой асууж тодруулах зүйл байвал 09.00-18.00 цагийн хооронд 11-333-999 дугаараас лавлана уу.