Иргэд махыг их хэмжээгээр нөөцөлснөөс хомсдож, үнэ өсчээ

Ерөнхий сайдын чиглэлийн дагуу ЗГХЭГ-ын дарга Л. Оюун-Эрдэнэ, Сангийн сайд Ч.Хүрэлбаатар нар хүнсний хангамж, тээвэрлэлт, захын хорооллын хүнсний дэлгүүрүүд, эмийн сангууд, дотуур байрны оюутнуудын хүнс бусад хангамжийн хүртээмж ямар байгаа талаар газар дээр нь очиж ажиллаж байна.

Хүчит шонхор зах дээр махны эрэлт, нийлүүлэлт хэвийн байдалд орж байна гэж албаныхан мэдээлэв.

Өнгөрсөн өдрүүдэд захуудаар иргэдийн хий нөөцлөлт бий болсон гэж холбогдох албаныхан дүгнэжээ.

Учир нь нийслэлчүүд өдөрт 110 тн махны хэрэглээтэй ч 208 тн, 410 тн, өнөөдөр 470 тн мах нийслэлд орон нутгаас нийлүүлсэн ч эрэлт, нөөцлөлт их байжээ.

Харин Чингэлтэйн долоон буудал орчмын хүнсний 8 нэрийн дэлгүүрүүд хүн орж ирэх нь эрс багасаж, эрэлт буурчээ. Иргэд зах, бөөний төвүүдээр үйлчлүүлэх нэмэгджээ.