Түргэвчилсэн шинжилгээгээр Дархан хотын 139 хүний хариу СӨРӨГ гарчээ

Сэлэнгэ аймгийн Сүхбаатар сумын дөрөвдүгээр багийн иргэн 74 настай Ц-гээс хоёр удаагийн шинжилгээгээр коронавируст халдвар илэрсэн гэж ЭМ-ийн сайд Т.Мөнхсайхан мэдэгдэж байсан. Ц-гийн ойрын хавьтагч болох нэг гэрт амьдардаг бэрээс нь авсан эхний шинжилгээгээр мөн халдвартай нь тогтоогдсон байдаг. Эхний шинжилгээгээр халдвартай гэж гарсан иргэн Дархан-Уул аймагт хоёр хоносон тухай бид өмнө нь мэдээлж байсан. Улмаар Дархан-уул, Сэлэнгэ аймгуудад хатуу хөл хорио тогтоогоод байгаа.

Харин Дархан хотын шинжилгээнд хамрагдах хүсэлт гаргасан нийт 139 иргэний PCR шинжилгээний хариу бүгд СӨРӨГ гарсан талаарх мэдээллийг Дархан-Уул аймгийн Онцгой комисс мэдээлж байна.Мөн түүнчлэн аймгийн Онцгой Комисст ажиллаж байгаа ажилтан албан хаагч, сэтгүүлч нийт 42 хүнд түргэвчилсэн шинжилгээ хийхэд хариу СӨРӨГ гарсан байна.