​Цэцэрлэгүүдэд мэргэжлийн бус хүмүүс ажиллаж байна

Нийслэлийн хэмжээнд үйл ажиллагаа явуулдаг төрийн өмчийн 52, хувийн 70 цэцэрлэгийг хамруулсан шалгалтыг НМХГ-аас хийжээ. Хяналт шалгалтаар төрийн бус өмчийн 34 цэцэрлэгийн эрхлэгч Сургуулийн Өмнөх Боловсролын чиглэлээр мэргэжил эзэмшээгүй мэргэжлийн бус хүмүүс ажиллаж байсан байсныг Эрүүл Мэнд Боловсрол Судалгаа Хяналтын Хэлтсийн дарга Д.Цэнд-Аюуш хэллээ. Тодруулбал, Сүхбаатар дүүргийн "Цасан гоо", Хан-Уул дүүргийн "Нарны хаан хүүхдүүд", Баянзүрх дүүргийн "Булганзул" гэхчлэн цэцэрлэгүүдийн эрхлэгч нар мэргэжлийн бус байжээ. Мөн шалгалтад хамрагдсан хувийн цэцэрлэгийн 72 хувь нь мэргэжлийн багшгүй, 59 хувь нь багшлах эрхгүй, 56 хувь нь туслах багшийн сургалтанд хамрагдаагүй багш нартай үйл ажиллагаа явуулж байжээ. За мөн шалгалтад хамрагдсан цэцэрлэгүүдийн 66 хувь нь ангид байгаа нэг хүүхдэд ногдох талбай нь эрүүл ахуйн нормоос 1.5-2.2 дахин их, 25 хувьд нь угаагуур, суултуур ариун цэврийн байгууламж стандартад нийцэхгүй байгаа нь тогтоогджээ.

Уг нь цэцэрлэгүүд тодорхой шалгуур, шаардлага хангасан хүмүүсийг авч ажиллуулах ёстой ч, хэрэг дээрээ мэргэжлийн бус хүмүүсийг ажиллуулах нь нийтлэг байгаа аж. Цэцэрлэгийн тусгай зөвшөөрөл авахдаа шаардлага хангасан хүмүүсийн дипломыг үзүүлж харуулж байгаад авчихдаг хэрнээ яг үйл ажиллагаа явуулах болохоороо мэргэжлийн хүн олдохгүй байна гэх шалтгаанаар өөр мэргэжлийн хүмүүсийг ажиллуулж байна гэлээ.

Түүнчлэн шалгалтаар илэрсэн зөрчлүүдийг арилгахыг үүрэг болгожээ.