Цэрэг татлага маргааш дуусна

Нийслэлийн Засаг даргын захирамжаар 2020 оны 2 дугаар ээлжийн цэрэг татлага аравдугаар сарын 22-нд эхэлсэн. Цар тахлаас үүдэн нийслэлийн хэмжээнд цэрэг татлагын нэгдүгээр ээлж зохион байгуулагдаагүй. Хоёрдугаар ээлжээр үүнийгээ нөхөж таталтаа хийж байгаа. Тийм учраас хугацаат цэргийн алба хаах залуусын тоо энэ удаагийн ээлжээр өндөр гарах магадлалтай байгаа юм. Энэ удаагийн цэрэг татлагад орж тэнцсэн залуусын хувьд стратегийн ач холбогдол бүхий улс орны бүтээн байгуулалтад оролцох юм. Цэрэг татлага маргааш буюу аравдугаар сарын 25-ны өдөр дуусах юм.