Хүүхдээ үгэнд орохгүй байхаар нь хашраах гэж орцонд нүцгэн зогсоосон гэж мэдүүлжээ

М.Төгөлдөр

2020/10/20

Өнгөрөгч аравдугаар сарын 18-ны өдөр бага насны 7-8 орчим настай эрэгтэй хүүхэд дотуур өмдтэй, гэртээ орж чадахгүй, хаалгаа тогшоод уйлж буй зургийг "Алтай" хотхоны оршин суугч эмэгтэй олон нийтийн сүлжээнд тавьсан. "Баянгол дүүргийн 24 дүгээр хороо Алтай хотхоны ... тоотод гэртээ орж чадахгүй уйлж буй хүү байна" гэх дуудлага мэдээлэл аравдугаар сарын 09-ний оройн 00 цагт цагдаагийн байгууллагад ирсэн байна. Тухайн үед дуудлагаар очсон цагдаа хаалгыг нь 8 орчим минут тогшсон боловч дуу чимээ өгөлгүй, хаалгаа тайлаагүй байна. Улмаар уг хэргийг цагдаагийн байгууллага шалгаж хүүгийн ээж Б.Э-ээс мэдүүлэг авахад “Хүүхдээ үгэнд орохгүй байхаар нь хашраах гэж орцонд нүцгэн зогсоосон” тухайгаа хэлсэн байна. Насанд хүрээгүй хохирогч Б.Х-д аюулын зэргийн үнэлгээг холбогдох байгууллагууд хийж, насанд хүрээгүй хохирогч Б.Х-ийн биед гэмтлийн зэргийг тогтоолгохоор шинжээч, хууль ёсны төлөөлөгчийг томилон сургуулийн нийгмийн ажилтан, ангийн багшийг байлцуулан мэдүүлэг авсан байна. Зөрчилд холбогдогч Б.Э-ээс мэдүүлэг авч “Хүүхэд гэр бүл хүчирхийллийн шинжтэй гэмт хэрэг, зөрчил үйлдэж болзошгүй хүний бүртгэлд авсан тухай цагдаагийн байгууллагаас мэдээллээ.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ