Генерал Д.Гэрэлийн долоон үйл баримтын гомдлоос зургааг нь хэрэгсэхгүй болж шийдлээ, зариг гүтгээгүй нь тогтоогдлоо

Зариг.мн сайт 2019 оны арваннэгдүгээр 27-ны өдөр “Хурандаагийн хүү баяжиж байвал хүн мал харангадах нь яамай” гарчигтай нийтлэл, нэвтрүүлгийг Сэлэнгэ аймгийн Баянгол сумаас бэлтгэсэн юм.
Тагнуулын Ерөнхий газрын дарга Д.Гэрэл нь “Сүхбаатар, Чингэлтэй дүүргийн Иргэний хэргийн шүүх”-д миний ажил хэргийн нэр төрд халдаад байна гэсэн өргөдөл гомдлыг гаргажээ. Хэрэгт хариуцагчаар сэтгүүлч Н.Өнөрцэцэг дуудагдсан бөгөөд шүүх хурал 13 :30 минутад эхэлж 17:40 минутад шийдвэрээ танилцуулав. Д.Гэрэл нь Заригийн нийтэлсэн долоон үйл баримтад гомдсон, үүнээс зургааг нь шүүхээс хэрэгсэхгүй болгож, нэг хүсэлтийг хангаж шийдлээ.