Таван настай охин явган хүний гарцаар гарч яваад амь насаа алдлаа

Өчигдөр буюу аравдугаар сарын 5-ны өдөр явган хүний гарцаар гарч байсан таван настай хүүхдийг дайрч амь насыг нь хохироосон осол гарчээ.

Тодруулбал, 16.48 цагийн орчимд Хан-Уул дүүргийн 6 дугаар хороо Чингисийн өргөн чөлөө, Яармагийн эмнэлгийн хойд зам, явганы гарцан дээр BMW X3 маркийн автомашины жолооч Б явган зорчигч Б, О нарыг мөргөсөн байна. Ослын улмаас 9 настай, эрэгтэй, О гэмтэж, 5 настай, эмэгтэй Б-н амь насыг хохироосон болохыг Тээврийн цагдаагийн албанаас мэдээллээ. Иймд жолооч, явган зорчигчид замын хөдөлгөөнд оролцохдоо сонор сэрэмжтэй байж бага насны хүүхдийг харгалзах хүнгүйгээр замын хөдөлгөөнд оролцуулахгүй байхыг анхааруулж байна.