ТЕГ-ын дарга асан Д.Гэрэлийн нэхэмжлэлтэй Зариг.мн сайтад холбогдох шүүх хурал болж байна

ТЕГ-ын дарга асан, Генерал Д.Гэрэлийн төрсөн хүү Г.Аранзалын "Пентеттера" ХХК  нь Сэлэнгэ аймгийн Баянгол сумын нутаг дэвсгэрт алт олборлох үйл ажиллагаа явуулдаг. Тус компанийн ажилтан техниктэйгээ осолдож нас барсан, уг компани нь байгальд хортой үйл ажиллагаа явуулдаг тухай Зариг.мн сайтын сэтгүүлч Н.Өнөрцэцэг өнгөрсөн 2019 оны 11 дүгээр сард сурвалжлан нэвтрүүлэг бэлтгэн хүргэж байсан юм. Харин үүнд ТЕГ-ын дарга асан Д.Гэрэл "Миний нэр хүндэд халдсан" хэмээн Сүхбаатар дүүргийн Иргэний хэргийн анхан шатны шүүхэд хандан Зариг.мн сайтын сэтгүүлч Н.Өнөрцэцэгийг хариуцагчаар татаж байсан юм. Харин энэ хугацаанд нийт гурван удаа хойшилсон шүүх хурал өнөөдөр буюу арав дугаар сарын 06-ний өдрийн 13:00 цагт товлогдон Сүхбаатар дүүргийн Иргэний хэргийн анхан шатны шүүхэд эхэлж байна.