С.Бямбацогт: УИХ-ын гишүүн хэлсэн үгэндээ хариуцлага хүлээдэггүй байсан бол, хүлээдэг болсон

Бямбацогт: УИХ-ын нэр бүхий гишүүд өнөөдөр "УИХ-ын чуулганы хуралдааны дэгийн тухай хууль"-д нэмэлт өөрчлөлт оруулах тухай хуулийн төслийг өргөн барьсан. 2020 оны тавдугаар сард энэхүү хуулийг шинэчлэн найруулж баталсан. Гэвч энэхүү хуульд нэмэлт өөрчлөлт оруулах, хэд хэдэн зүйлийг эргэж харах шаардлага гарсан. Бидний өргөн барьсан хуулийн төсөлт нийт 9 заалтад өөрчлөлт орж байгаа юм. Жишээ нь: Өмнө нь чуулганы үед хэн нэгнийг гүтгэх, зүй бус үг хэллэг хэлэх, чуулганы хэвийн үйл ажиллагаанд саад учруулсан бол хэлэлцэх асуудалд оролцуулахгүй, танхимаас гаргах арга хэмжээ авдаг байсан. Гэтэл чуулган хэд хэдэн дэд бүлэг бүхий чуулганаас бүрддэг. Энэ бүгдэд оролцох эрхгүй байх юм уу? гэж үзээд илүү тодорхой зааж өгсөн.  Мөн УИХ-ын гишүүн хэн нэгнийг гүтгэн доромжилсон бол  хэлсэн үгэндээ хариуцлага хүлээдэг болж байгаа.  Энэхүү хуулийн төсөл бүлгээр хэлэлцэгдэж дэмжлэг авсан байгаа. Ирэх долоо хоногт чуулганаар хэлэлцэгдээд явна.