Төсвийг мөшгөе: Эрдэмд шамдагтун хөшөөний төсөв 182 сая төгрөг

Хан-Уул дүүргийн 18-р хороонд буюу Удирдлагын академийн хойд талд байрлах “Эрдэмд шамдагтун” хөшөөг “Өнгө аяс” ХХК нь шинээр барихаар 2020 оны 6-р сарын 12-нд тендерт шалгарчээ. Энэхүү тендерт 2 компани саналаа өгсөн байна. 1947 онд баригдсан уран барималч Чойбалын хийсэн энэ хөшөөнд 70 жилийн хугацаанд гар хүрээгүй бөгөөд ийнхүү шинээр барихаар болжээ. Хөшөөний газар дээр өнөөдөр 4 давхар байшин барина, бариулахгүй гэх маргаан үргэлжилж байна. Тус хөшөөний газрын зөвшөөрөл хотын дарга асан Э.Бат-Үүлийн үед цуцлагдаж, Су.Батболдын үед шүүхийн шийдвэрээр сэргэжээ.

2010 онд “Билиг”  компанийн нэр дээр 3 962 метр квадрат газрын тусгай зөвшөөрлийг хотын дарга асан  Г.Мөнхбаяр олгосон байдаг. Хөшөөний энэ орчимд 450 метр квадрат газар байгаа юм. Суурин хэсгийг хурд группийн зүгээс 90 гаруй сая төгрөгөөр  тохижуулж харин төсвөөс 182 сая төгрөгөөр гурван метр хөшөөг урд хөршид цутгуулан авчихаар болж байгаа юм. Энэ хөшөө нийтдээ 280 орчим сая төгрөгөөр сүндэрлэхээр болжээ.