Ховд аймгийн Алтай сумын иргэн 25 настай эмэгтэй тарваган тахал тусчээ

Өнгөрөгч есдүгээр сарын 24-ний өдөр Хэнтий аймаг, Ховд аймгийн Алтай суманд тарваган тахлын нэг, нэг сэжигтэй тохиолдол бүртгэгдсэн. Хэнтий аймагт тарваган тахлын нэг сэжигтэй тохиолдол бүртгэгдсэнийг шалгахад шинжилгээний хариу сөрөг гарсан бол Ховд аймгийн Алтай суманд тарваганы мах идсэн гэх өгүүлэмжтэй 25 настай эмэгтэй халуурч, булчирхай нь томрох шинж тэмдэгтэй сумын эмнэлэгт хандсан байдаг. Улмаар нөхрийнхөө агнасан тарваганы махыг чанаж идсэн гэх 25 настай эмэгтэйд тарваган тахлын үндсэн дөрвөн шинж тэмдэг илэрсэн байна. Эхний ээлжинд өвчтөнтэй хамт байсан ойрын хавьтлын 19 хүнийг илрүүлж тусгаарлаад байгаа бөгөөд эмэгтэй нөхрийн биеийн байдал одоогоор хэвийн байгаа аж.