​С.ЖАВХЛАН ГИШҮҮН ЕРӨНХИЙЛӨГЧИЙГ ХУУРАЙ АГСАМ ТАВЬСАН ГЭВ

УИХ-ын гишүүн С.Жавхлан ууртай байна. Тэрбээр Ерөнхийлөгчид нэлээд уурлаж байгаа аж. Ямартаа л "Оюутолгойг канадчууд "дээрэмдэж" байхад, Тамсагийн ордыг хятадууд "эзэгнэж" байхад энэ улсын "хойд эцэг" Элбэгдорж чи хаана байсан юм бэ. Улаан цайм дээрмийг өөгшүүлж улсаараа нэг алхам урагшилсан хэмээн бахархаж байсан билээ. Тэгвэл Эрдэнэт үйлдвэрийн 49 хувийг яасан их өмөөрнө вэ. "Та дээрэмдчихлээ" ч гэх шиг. Монголын ард түмэн дээрэмчин гэж үү." хэмээн уурсангуй бичиж байхав. Мөн тэрбээр "Өнгөрсөн найман жилд Ц.Элбэгдоржийг хагартлаа баяжсан гэдэг. Сонгуулиар л гэхэд нэг солиотой баян 20 сая ам.доллар бэлэн аваачиж өглөө гэж шуугисан. Мөнгөө хаана нуухаа мэдэхээ байгаад уран зураг хүртэл худалдаж авч онигоонд орсон билээ. Ашгүй түүнд мөнгөө нуух боломж олдсон. Тэр нь Эрдэнэтийн 49 хувь байлаа. Эрдэнэт үйлдвэрийн 49 хувийг 24-35 насны таван залуу 500 сая ам.доллар (100 сая ам.долларыг нь авилгалд өгсөн) худалдаж авсан байдаг. Тэдгээр залуусын ард талд Ц.Элбэгдорж, Зам тээвэр, хөгжлийн яамны сайд Д.Ганбат нар байгаа. Эрдэнэт үйлдвэрийн 49 хувийг хамгийн том хувьцаа эзэмшигч нь Ц.Элбэгдорж. Нөгөө дөрөв нь 9, 5, 10, 13 хувьтай юм билээ.Тэгэхээр Ц.Элбэгдорж Эрдэнэтийн 49 хувиа "Дээрэмдүүлчихлээ" гэж УИХ-ын чуулган дээр хуурай агсам тавих нь зөв. Хөрөнгөө алдсан хүний уур бухимдал, тэвчээр алдалт тэндээс харагдаж байна лээ. Харин ард түмэн тэвчээртэй, хонь шиг учраас баялагаа цөлмүүлж байхдаа чимээгүй байсан. Ард түмний өмч албан тушаалтны өмч хоёр өөр юм." хэмээн бичжээ. Харин Ерөнхийлөгч Ц.Элбэгдорж үнэхээр С.Жавхлан гишүүний хэлээд байгаа учир шалтгаанаар хуурай агсам тавьсан уу гэдэгтээ хариу өгөх болов уу.

Эх сурвалж: Зариг.мн