ГУРВАН НЭР ДЭВШИГЧИЙГ 23 ТӨРЛИЙН ШИНЖИЛГЭЭНД ХАМРУУЛЖЭЭ

Монгол Улсын Ерөнхийлөгчийн сонгуульд нэр дэвшигч М.Энхболд, Х.Баттулга, Н.Энхбаяр нарт эрүүл мэндийн бүрэн үзлэг, шинжилгээ хийж, гаргасан дүгнэлтээ Эрүүл Мэндийн Яамнаас Сонгуулийн Ерөнхий Хорооны дарга Ч.Содномцэрэнд хүлээлгэж өглөө. Эрүүл Мэндийн Яамны Төрийн Нарийн Бичгийн дарга Д.Очирбат "Эрүүл Мэндийн Яамнаас батлагдсан комисс хуулийн хугацаанд Монгол Улсын Ерөнхийлөгчид нэр дэвшиж байгаа М.Энхболд, Н.Энхбаяр, Х.Баттулга нарыг эрүүл мэндийн үзлэг, шинжилгээнд хамрууллаа. Тавдугаар сарын 7-ны өдөр энэхүү ажлыг зохион байгуулж дуусаад өнөөдөр Сонгуулийн Ерөнхий Хороонд эрүүл мэндийн дүгнэлтийг гурван хавсралтын хамт хүргүүлж байна. Бид 23 нэр төрлийн үзлэг, шинжилгээнд хамруулсан. Комиссын даргаар Д.Очирбат миний бие ажилласан" гэсэн юм. Нэр дэвшигчдийн шинжилгээний дүнгийн талаар одоо мэдээлэх боломжгүй. Гэхдээ ямар нэгэн ноцтой зөрчил, асуудал гараагүй гэдгийг албан ёсоор хэлье гэж байв.

СЕХ-ын тухайд нэр дэвшигчдийн талаарх албан ёсны мэдээллийг энэ сарын 17-нд албанэщ ёсоор зарлах ёстой юм.

Эх сурвалж: Зариг.мн