Б.Лхагвасүрэн: "Таван том банк дампуурах эрсдэл байхгүй"

Монголын банкны систем дэх нөлөө бүхий хоёр банк эрсдэлтэй байдалд орсон гэх мэдээллийг Ерөнхий Аудиторын орлогч  О.Тэнгис хийсэн. 

Тэгвэл Монголбанкнаас өнөөдөр мэдээлэл хийж, ерөнхийлөгч Б.Лхагвасүрэн банкны системийн нөлөө бүхий таван банкны үзүүлэлтүүд хангалттай хэмжээнд байгаа гэж албан ёсоор мэдэгдлээ.

Монголбанкны ерөнхийлөгч Б.Лхагвасүрэн:  Монголын банкны салбарт 35 орчим их наяд төгрөг эргэлдэж байгаа чухал салбар. Өөрөөр хэлбэл, улсын төсвөөс гурав дахин том. Энэ салбараас Монгол Улсын эдийн засаг тэтгэгдэж явдаг. Монголд системийн нөлөө бүхий таван банк байдаг. Таван том банк нь банкны системийн 85 хувийг эзэлдэг. Өчигдөр Үндэсний аудитын газрын төлөөлөл хоёр банк асуудалд орсон талаар мэдээлэл хийсэн байна. Таван том банкны үзүүлэлтүүд хангалттай хэмжээнд байгаа" гэлээ.