Ангууч буюу Б.Баттөр Есөн дүүгээ өсгөж буй Б.Ариунболорт гурван өрөө байрны мөнгө цуглуулж өгчээ

Залуусын дунд Ангууч нэрээр танил болсон Б.Баттөр 9 өнчин дүүгээ ганцаараа өсгөж яваа 21 настай залуу бүсгүй Б. Ариунболорт 3 өрөө байр авч өгчээ. Байр авах  хандивын мөнгийг өөрийн төрсөн өдрийн үдэшлэгээрээ босгосон байна.  

Долоодугаар сарын 29-ний өдөр Скай Резортод болсон "Almighty" сайн үйлсийн аянд зохион байгуулагчид, хөтлөгч, DJ нар бүгд үнэ төлбөргүй оролцон өөрсдийн хувь нэмрээ оруулсан бөгөөд Ука, Don Dior, The Colors, 168, Lil Thug-E, FLA зэрэг уран бүтээлчид дуу хоолойгоо өргөжээ.

Үдэшлэгт хүрэлцэн ирсэн зочид хандив өргөж, цугласан нийт хандивыг Б.Ариунболорт гардуулсан байна. 

"Би өөрийн төрсөн өдрийг зүгээр нэг наргиж, цэнгэхийн оронд нэг ч гэсэн хүнд тус болж, сайн үйлсийн аяныг өрнүүлж, дэлгэрүүлэх гэсэн юм" гэж Б.Баттөр хэлжээ.

Шинэ үеийн залуус үнэхээр күүл! Баярлалаа Б.Баттөрөө!