Баянбууралд тусгаарлагдсан гурван иргэн амралтын газрын караокед орж, 13 хүнийг тусгаарлажээ

Австрали улсаас ирсэн гурван оюутан тусгаарлагдаж байхдаа амралтын газрын караокед орж, Баянбуурал амралтад амарч байсан хүмүүсийг тусгаарлаад байгаа талаар манай редакцид нэгэн иргэн хандсан юм. Бид энэ талаар ЭМЯ-ны хэвлэлийн хурлын үеэр тодрууллаа.

ХӨСҮТ-ийн Тандалт, судалгааны албаны дарга А.Амбасэлмаа: Баянбуурлын амралтад өнгөрөгч тав дахь өдөр 21 хоногийн тусгаарлалтад байсан иргэд тухайн газрын ажилчидтай караокед орж, хавьтал болсон гэх мэдээлэл байна. Тухайн амралтад нийт 13 хүн тусгаарлагдсан. Бид эрсдэлтэй бүс нутгаас ирсэн хүнтэй хавьтал болсон хүмүүсээс 5-6 хоногийн дараа шинжилгээ авах ёстой. Тиймээс тэднээс өнөөдөр шинжилгээ авна.