АРДЧИЛСАН НАМЫН ИХ ХУРАЛ ҮРГЭЛЖИЛЖ БАЙНА

Ардчилсан намын наймдугаар их хурал яг одоо "Корпорэйт" зочид буудалд үргэлжилж байна. Намд нийт 180 мянган гишүүн бүртгэлтэй бөгөөд үүнээс өнөөдрийн хуралдаанд 1206 гишүүн оролцож байна.

Хуралдаанаар хэлэлцэх гол асуудал нь ирэх сард болох Ерөнхийлөгчийн сонгуульд нэр дэвшигчээ батламжлах юм. Нам доторхи сонгуульд УИХ гишүүн Л.Болд, Р.Амаржаргал, Д.Дорлигжав, Н.Алтанхуяг, Х.Баттулга, Б.Жаргалсайхан нар өрсөлдсөн. Онооны илт илүүгээр Х.Баттулга сонгогдоод байгаа. Хэрвээ Х.Баттулга Их хурлын гишүүдээс 50+1 хувийн санал авч чадахгүй тохиолдолд Р.Амаржаргалын асуудал яригдаж болох.

Хуралдаанаар хэлэлцэх хоёр дахь асуудал бол Ерөнхийлөгчид нэр дэвшигчийг батламжлах. Намын үндсэн дүрэмд зааснаар намын дарга ерөнхийлөгчийн сонгуульд нэр дэвшигчийг оруулж ирдэг байна. Түүнийг УИХ-ын гишүүд дэмжих эсэхийг нууц санал хураалтаар шийднэ. Ардчилсан намын их хурал 17 цаг хүртэл үргэлжилнэ.