Бээжингийн хүнсний захаас үүдэлтэй халдварын тохиолдол 43 болжээ

Бээжин хотод Covid19 халдварын тохиолдол 36-аар нэмэгдсэн тухай Өвчнөөс урьдчилан сэргийлэх, хянах төвийн орлогч захирал Пан Синхуо мэдэгджээ. Ийнхүү Шинфади захтай холбоотой халдварын тохиолдол 43 боллоо. Халдварын шинэ голомт илэрсний улмаас Бээжин хотод бямба гарагаас онц байдал зарлаж, аялал жуулчлалын төвүүдийг хаажээ. Мөн таван хүсний захыг хаагаад байгаа.

Бээжин хот гэнэт дотоодоос халдвар гарсанд хоёр төрлийн таамаглал дэвшүүлж байна. 

Нэгдүгээрт, бөөний худалдааны захад зарагдаж буй титэм вирусын бохирдолтой далайн бүтээгдэхүүн эсвэл махан төрлийн бүтээгдэхүүнээс үүсэлтэй байх магадлалтай. 

Хоёрдугаарт бусад халдварын эх үүсвэр байх магадлалтай. Шинфади бөөний худалдааны захын хүмүүсийн урсгал маш их, зах руу зүг бүрээс ирсэн орж гарч байгаа хүмүүс халдвар тараах эх үүсвэр байж болно гэж үзэж байна.