ОХУ: ​Covid-19-ийн эсрэг анхны эмийг бүртгэв

Covid-19-ийн эсрэг анхны эм ОХУ-ын Эрүүл мэндийн яамны зөвшөөрлийг авч, эмийн улсын бүртгэлд бүртгэгдсэн ажээ. Уг эмийн худалдааны нэр нь Авифавир юм. Харин олон улсын оюуны өмчийн бус, химийн нэр нь "Фавипиравир" юм байна.

Авифавир бол Оросын анхны COVID-19 эм бөгөөд клиник туршилтын үеэр коронавирусын өвчтэй хүмүүсийг эмчлэхэд өндөр үр дүнтэй байжээ.

Энэ эм нь И.М.Сеченовын нэрэмжит Москвагийн Улсын Анагаах Ухааны Их сургууль, Ломоносовын Москвагийн Улсын Их сургууль болон бусад анагаах ухаан, эрдэм шинжилгээний байгууллагуудын оролцсон клиник туршилтын явцад өндөр үр дүнтэй болох нь батлагдсан байна.

Кирилл Дмитриев, Оросын шууд хөрөнгө оруулалтын сангийн гүйцэтгэх захирал

"Афивавир бол Орос улсад коронавирусын эсрэг бүртгэгдсэн анхны вирусын эсрэг эм төдийгүй дэлхийн хамгийн ирээдүйтэй COVID-19-ийн эсрэг эм юм. Афивавирыг Фавипиравир дээр суурилсан дэлхийн анхны бүртгэгдсэн эм болох боломжийг урьд өмнө байгаагүй богино хугацаанд Орос улсад клиник туршилтаар боловсруулж, туршиж үзсэн" гэжээ.

Эх сурвалж: GMP NEWS