Зургаан давхраас хүүхдээ тэвэрсэн эх унаж, хоёр амь эрсэдлээ

Гурван сартай хүүхдээ тэвэрсэн эх өндрөөс унаж, амиа алдсан харамсалтай хэрэг гарлаа. Тодруулбал, БГД-ийн 14-р хороон дахь ... орон сууцны зургаадугаар давхраас хүүхдээ тэвэрсэн эх унаж, газар дээрээ  амь насаа алдсан байна. Уг хэрэгт сэжиглэн хоёр эрэгтэйг баривчлан БГД дэх цагдаагийн хэлтэст шалгаж эхэлжээ. 

Энэ талаар цагдаагийн байгууллагаас тодруулахад “Өнөөдөр 19 цагийн орчим БГД-ийн 14 дүгээр хороо 18 дугаар байрны 6 давхараас эмэгтэй хүн хүүхдээ тэврээд үсэрчихлээ хэмээх дуудлага мэдээлэл бүртгэгжээ. Тус дуудлагыг авч хэргийн газарт бүрэлдэхүүн ажиллахад 1983 онд төрсөн эмэгтэй "У" нь өөрийн охин 3 сар (эм) "Т"-г тэврэн өндрөөс унаж нас барсан нөхцөл байдал тогтоогдсон” гэлээ. Хэргийн шалтгаан нөхцөл тогтоогдоогүй, шалгалтын ажиллагаа үргэлжилж байна.