Б.Ууганбаяр: Өнөөдрийн байдлаар 27 цэгт 2029 иргэнийг тусгаарлаад байна

Өнөөдрийг хүртэл нийт 15 удаагийн нислэгээр 3315 хүн, галт тэрэг, явган, авто засмаар 5007 хүнийг татан авсан байна. Сүүлийн долоо хоногт нийт 1070 хүнийг МУ-даа татан авсан байна. Өнөөдрийн байдлаар  46 улсаас 10761  мянган иргэн МУ-д ирэх хүсэлтээ ирүүлсэн байна. Тэдний 2818 нь оюутан, насанд хүрээгүй хүүхэд 358 байна.

Татан авалтаар ирсэн хүмүүсийг 27 цэгт нийт 2029 хүнийг тусгаарлаад байна.

Ойрын хугацаанд ОХУ-аас оюутан, иргэдээ татан авах асуудлыг ярилцаж байна. Мөн Энэтхэг улс руу нисгэх асуудал яригдаж байна. Өдөр нь товлогдоогүй байна. Дараагийн нислэг явахаас өмнө тусгаарлах байрны хангамжаа хийх хэрэгтэй. Тиймээс бэлтгэл ажлаа хангах үүргийг Шадар сайд өгсөн.

Татан авах ажиллагааг цаашид тасралтгүй хийнэ.