Хуурай замын цэргийн командлал: Цэргийн агт араа төрөлхийн буруу ургалттай байсан учраас эрүү нь амархан хугарсан

Зэвсэгт хүчний жанжин штабын харьяа Ховд аймаг дахь 123-р ангид хугацаат цэргийн алба хааж байсан Б зодуулж, хүнд гэмтэн Улаанбаатарт иржээ.

Тодруулбал, өнгөрсөн дөрөвдүгээр сарын 28-ны өдөр цэргүүдийг номхон команд өгч жагсаагаад, 22 настай Б-г зодож, эрүүг нь хугалсан байна. Гэмтлийн улмаас хохирогч хоол унд идэж чадахгүй, зовиур их байсаар энэ сарын 6-ны өдөр Улаанбаатар хотод иржээ. Гэхдээ түүнийг 123-р ангийн захирагчийн эхнэр авчирсан бөгөөд ард хувцас өмсгөн цэргийн алба хаагч гэдгийг нь нуун авчирч, Төрийн тусгай алба хаагчийн эмнэлэгт хэвтүүлэн эмчилж байгаа юм байна.

Ховд аймаг дахь 123-р ангид алба хааж байсан цэргийн алба хаагч бусдад зодуулж, гэмтсэн тохиолдол нэг биш юм. Б-г хэн зодсон, ямар шалтгаанаар эрүүг нь хугалсан, үүнд ангийн удирдлагууд ямар холбоотой, ямар учраас ангийн захирагчийн эхнэр нь хохирогчийн энгийн хувцастайгаар ТТАХ-ын эмнэлэгт авчирсан зэрэг нь анхаарал татаж байна. Манай сэтгүүлч Ц.Анхзул Хуурай замын цэргийн командлалаас энэ асуудлаар тодруулга авлаа.