Туркийн Истанбул руу тусгай үүргийн онгоц 09:30 цагт хөөрнө

Өнөөдрийн байдлаар дэлхийн 46 улсаас 10,836 иргэн эх орондоо ирэх хүсэлт гаргаад байгаа юм.

Улсын онцгой комиссын шийдвэрийн дагуу өнөөдөр буюу 2020 оны 05 дугаар сарын 13-нд Туркийн Истанбул хот руу тусгай үүргийн нислэг хийх шийдвэр гарсан.

 Өмнө нь гуравдугаар сарын 18-ны өдөр "МИАТ" компанийн тусгай үүргийн онгоц Истанбул-Улаанбаатар чиглэлд нислэг үйлдэж нийт 252 иргэн эх орондоо ирсэн юм. Энэ удаад 170 орчим монгол иргэнээ татан авахаар болсон бөгөөд онгоц өнөөдөр 09:30 цагт монгол улсаас хөөрөх юм. 

Харин дараагийн нислэгийг ОХУ-ын Улаан-Үд хот руу үйлдэж 05 дугаар сарын 14-нд 202 иргэнийг, 15-нд Эрхүү хотоос 200 орчим иргэнийг татан авах юм. Мөн 05 дугаар сарын 18-нд Энэтхэг улс руу тусгай үүргийг онгоц нислэг үйлдэнэ.