Дахин нэг хүний шинжилгээ эерэг гарч, батлагдсан тохиолдол 41 боллоо

Дэлхий дахинаа гурван сая гаруй хүн коронавирусийн халдвар аваад байна. ОХУ-д нийт 1356 хүн уг вирусийн улмаас амиа алдсан байна. Бразиль улсад халдвар авсан хүний тоо 105 мянгад хүрлээ. Япон улсад 24 цагийн дотор 176 хүн амь насаа алдсан байна.

04.30, 05.01,  05.02-ны гурван удаагийн тусгай үүргийн онгоцоор 831 хүн ирснийг тусгаарлан ажиглалтад аваад байна. Тусгай үүргийн онгоцоор нэн шаардлагатай байгаа эм, эмнэлгийн хэрэгслүүдийг татан авч байна. 

ХӨСҮТ-ийн дарга Д.Нямхүү: Өчигдрийн байдлаар таван лабораторит 307 шинжилгээ хийсэн. Ховд аймаг дахь ХӨСҮТ-ийн лабораторит шинжилгээ хийсэн. Улсын хэмжээнд шинжилгээ авах зургаан лаборатори ажиллаж байна. Мөн ЭХЭМҮТ-д нэг лаборатори ажиллахад бэлэн байна. 

Дорнод аймагт тусгаарлагдсан зургаан хүний шинжилгээний хариу сөрөг гарсан. сэжигтэй тохиолдол халуурч, хоолой нь өвдсөн шинж тэмдэгтэй байсан. Өөрөө архаг хоолойн өвчтэй хүн юм байна. Дархан-Уул аймагт 26 жолоочоос шинжилгээ авсан, бүгд  сөрөг гарсан. Тусгай үүргийн онгоцоор ирсэн нэг хүний шинжилгээ эерэг гарч, батлагдсан тохиолдол 41 боллоо. Харин 13 хүн эмчлэгдээд гарч байна.