Тусгаарлалтын хугацаа нь дууссан, коронавирус илрээгүй нэг иргэний биеийн байдал хүнд байна

Өнгөрсөн хугацаанд 5909 хүнийг тусгаарлан ажигласан байна. Тэдэнд 114 эмч, мэргэжилтнүүд эмнэлгийн тусламж үйлчилгээ үзүүлэн ажилласан.  Хэдий тусгаарлалтын 21 хоногийн  хугацаа нь дууссан ч нэг иргэний биеийн байдал нь хүнд байгаа учир Цэргийн төв эмнэлэгийн сэхээний тасагт байна.

Тус иргэн коронавирусийн халдваргүй нь шинжилгээгээр гарсан. Мөн Зам-Үүдийн эмнэлэгт булчингийн идээт үрэвсэлтэй өвчтөн биеийн байдал нь хүнд байгаа иргэний шинжилгээний хариу маргааш гарна.