АРДЧИЛСАН НАМ НЭР ДЭВШИГЧИДЭЭ БҮРТГЭЖ ЭХЭЛЖЭЭ

Ирэх сард болох ерөнхийлөгчийн сонгуульд нэр дэвших дэвшигчидээ намууд бүртгэж эхэлсэн байна. Ардчилсан нам өнөөдөр өглөө 09:00 цагт бүртгэж эхэлсэн бөгөөд өдрийн 13:00 цаг хүртэл үргэлжлэх юм байна. УИХ-ын гишүүн асан Р.Амаржаргал, УИХ-ын гишүүн Л.Болд нар бүртгүүлжээ. Ардчилсан намаас Ерөнхийлөгчид нэр дэвшинэ гэдгээ урьдчилж мэдэгдсэн Э.Бат-Үүл, Д.Дорлигжав, Н.Алтанхуяг, Х.Баттулга, Б.Жаргалсайхан нарын хүмүүс бий. Бүртгүүлэгчид яг хэдэн төгрөгийн дэнчин төлөх нь одоогоор тодорхойгүй байгаа аж. Учир нь 1,6 тэрбумыг нийт бүртгүүлсэн гишүүд нь хувааж төлөх юм гэнэ. Тиймээс хэдэн хүн бүртгүүлэхээс хамаарч нэг нэр дэвшигчээс хэдэн төгрөгийн дэнчин авах вэ гэдэг нь тодорхой болох юм.