Д.Нямхүү: ОХУ-аас ирсэн сэжигтэй 20 тохиолдлыг ХӨСҮТ-д тусгаарласан

Эрүүл мэндийн яам, ХӨСҮТ болон бусад холбогдох албаныхан COVID-19 халдварын нөхцөл байдлын талаар мэдээлэл хийж байна.

ХӨСҮТ-ийн ерөнхий захирал Д.Нямхүү:

2020 оны дөрөвдүгээр сарын 10-нд 108 хүнд шинжилгээ хийхэд коронавирус илрээгүй. Үүнд Сөүл-Улаанбаатарын онгоцоор ирсэн 99 хүн байсан. Харин үлдсэн 9 шинжилгээг тандалтын зорилгоор хийсэн. 

Үүнд Сөүл-Улаанбаатарын тусгай нислэгээр ирсэн 99, тандалтын зорилгоор 9  хүнээс авсан шинжилгээний хариу багтсан.

Өчигдөр Алтанбулагийн боомтоор 282 иргэнээ ОХУ-аас авчирлаа. Эдгээрээс 169 нь Улаанбаатарт ирсэн. Сэлэнгэд 2 зорчигчийг тусгаарласан.

Бусад хүмүүсийг Амар, Асралт мед эмнэлэгт тусгаарласан. ХӨСҮТ-д 20 сэжигтэй тохиолдлыг тусгаарлаад шинжилгээ хийж байна. Өчигдөр тусгаарлагдсан хүмүүсээс шинжилгээ авсан. Өнөөдөр шинжилгээ хийгдэнэ.

Халдвартай 12 хүний биеийн байдал сайн байгаа. Эмчилгээ зохиж байгааг эмчлэгч эмч нар нь хэлсэн" гэсэн мэдээллийг өглөө.