Д.Тогтохсүрэн: Төрийн болон орон нутгийн байгууллагаас бусад БҮХ ААН-ийг НДШ-ээс чөлөөлөх нь зүйтэй

УИХ-ын хаврын чуулган нээлтээ хийсний дараа УИХ дахь Монгол ардын намын бүлэг хуралдлаа.  

МАН-ын бүлгийн дарга Д.Тогтохсүрэн: МАН-ын бүлгээс өргөн барьсан төсөлтэй холбогдуулан гурван санал гаргасан. Тодруулбал, төрийн албан хаагч, төрийн өмчит аж ахуй нэгжүүдийн ажилчид болон төрөөс ажил гүйцэтгэж байгаа аж ахуй нэгжүүдийг шимтгэл, татвар чөлөөлөхгүй гэж орж ирснийг санал гаргаж, төрөөс ажил гүйцэтгэдэг аж ахуй нэгжүүдийг чөлөөлөх саналыг бүлгээс оруулж байна. Мөн ажилгүйдлийн тэтгэмж олгох асуудал дээр МАН-ын бүлгээс ажлын хэсэг байгуулж, ялгаварлахгүй, бүх аж ахуй нэгжийг хамруулах чиглэлээр судлахаар болсон. Түүнээс гадна их, дээд сургуулиудыг НДШ-ээс чөлөөлж, хамруулах нь зүйтэй гэж үзлээ. МАН-ын бүлгийн хуралдаанаар банкны шинэчлэл хийх чиглэлээр ажлын хэсэг байгуулахаар болсон. Засгийн газраас ноолуурын чиглэлээр хэрэгжүүлэхээр болсон арга хэмжээг яаралтай хэрэгжүүлэх, арга хэмжээ авах талаар мөн саналаа хэллээ