​Сэлэнгэ, Зүүн хараа, Дархан-Уул аймагт тусгаарлагдсан иргэдээс коронавирус илрээгүй

Сэлэнгэ, Зүүн хараа, Дархан-Уул аймагт тусгаарлагдсан иргэдээс коронавирус илрээгүй байна. Нийт 81 сорьц авч шинжилгээ хийжээ. Тусгаарлагдаж байгаа иргэдийн тоо өдөр ирэх тусам нэмэгдэж байгаа тул иргэдийг сонор сэрэмжтэй байх ёстойг ЭМЯ анхаарууллаа.

Тэрбээр "2020 оны 4 дүгээр сарын нэгэнд Сэлэнгэ аймгийн Зүүнхараа болон Дархан-Уул аймагт тусгаарлагдсан нийт хоёр хүний шинжилгээнээс коронавирус илрээгүй. Энэ сайн мэдээ. Цэргийн төв эмнэлэгт тусгаарлагдаж байгаа Катараас ирсэн 43 хүнээс коронавирус илрээгүй. Тандалтын зорилгоор цуглуулсан 81 сорьцод шинжилгээ хийхэд коронавирус илрээгүй. ХӨСҮТ-д тусгаарлагдсан 110, Цэргийн төв эмнэлэгт тусгаарласан 58 хүний давтан шинжилгээнд коронавирус илрээгүй. Дархан-Уул аймагт 11, Орхон аймагт 20, Сэлэнгэ аймагт тусгаарлагдсан хоёр хүний шинжилгээнд мөн коронавирус илрээгүй. Ингээд нийт 326 шинжилгээ хийжээ. ХӨСҮТ-д шинжилгээ хийх тоног төхөөрөмжийн PCR аппаратын тоог нэгээр нэмсэн. Ингээд илүү олон шинжилгээ хийх нөхцөл бүрдэж байна. Өөрөөр хэлбэл, нийт иргэдээс цуглуулсан сорьц, тусгай үүргийн онгоцоор ирсэн хүмүүсээ болон давтан шинжилгээнүүдээ хийж хянах юм. Үүний хажуугаар бид хурдавчилсан оношлуур ашиглаж байгаа. Хамгийн үндсэн сүүлийн баталгаатай хариу PCR-аар буюу лабораторийн шинжилгээгээр гарна" гэсэн мэдээллийг өглөө.