Тусгаарлах хугацааг долоо хоногоор сунгалаа

"Ковид- 19" халдварын нууц хугацаа 15-19 хоног байна. Тиймээс тусгаарлах хугацааг сунгах саналыг ЭМЯ-наас санал гаргажээ. Тиймээс одоо тусгаарлагдсан байгаа иргэдийг долоо хоногийн хугацаатайгаар сунгахаар боллоо.

Энэ үеэр ОБЕГ-ын дарга Т.Бадрал: Коронавирус цар тахлын нөхцөл байдал амаргүй байна. Нэг, нэг тохиолдлоор нэмэгдээд байна.  Гэсэн хэдий ч УОК болон Шуурхай штаб эдгээр ажлуудыг зохион байгуулж зохицуулах чиглэлээр ажиллаж байна. Тийм ч үүрэгтэй. 

Одоогоор манай улс тусгай үүргийн онгоцоор таван удаагийн нислэг үйлдээд байна. ГХЯ-ны Консулын газраас өгсөн мэдээллээр дэлхий нийтэд тархан суурьшсан 4805 иргэн Монгол Улсын иргэд эх орондоо ирэх хүсэлтээ ирүүлсэн байна. Энэ тоо цаашдаа нэмэгдэх хандлагатай байна. Өнөөдөр өглөө Австралийн Засгийн газраас хүсэлт гаргаж, манай улсаас зургаан иргэнээ татаж авсан. Мөн БНСУ-аас Монгол Улсад суугаа иргэдээ татаж авах хүсэлтээ тавьсан. Хүсэлтийн дагуу Солонгос улс 200 гаруй иргэнээ татаж авах бэлтгэл ажил хангагдаж байна.