Ж.Батбаясгалан: Гэр хорооллын гудамж талбайн 2335,2 км зам, 117.50 м.кв талбайд ариутгал хийсэн

Нийслэлийн Засаг даргын орлогч Ж.Батбаясгалан:

Улаанбаатараас орж гарах хөдөлгөөн хэвийн явагдаж байгаа ба авто тээврийн шалган нэвтрүүлэх найман товчоодод Нийслэлийн цагдаа, онцгой, мэргэжлийн хяналт, мал эмнэлгийн газрууд хамтран эрүүл мэндийн байгууллагын чиглэлийн дагуу ажиллаж байна. Иргэдээс авч байгаа асуумж мэдээллийг цаашид эрсдэл үүсэхэд ашиглах учир цааргалалгүй, дэлгэрэнгүй өгөөрэй.  

Гудамж талбайн ариутгал 03.17-ноос эхлэн хийгдэж байгаа ба орон сууц, гэр хорооллын гудамж талбайн 2335,2 км зам, 117.50 м.кв талбайд ариутгал хийсэн. Өнөөдөр Баянзүрх, Налайх дүүрэгт ариутгал хийж байна. Энэхүү ариуталын ажил нь эхний удаагийнх бөгөөд цаашид дахин 2-3 дахь удаа хийхээр төлөвлөсөн.