​ Ө.Энхтүвшин: Гадаадад байгаа 200 мянган монголчууд маань хүнд нөхцөлд байна

Гадаадад байгаа 200 мянган Монголчууд маань ямар байдалтай байгаа нь хүнд байна. Нөхцөл байдал хүнд байна. Гадаадын орнуудад сургууль хаагдаж, дотуур байруудаа яаралтай суллах шаардлага хүргүүлж байна.

Тиймээс гадаадад байгаа монголчуудад онцгой анхаарал хандуулахаас өөр арга бидэнд алга. Хамгийн эхэнд тэдэнтэйгээ холбогдож, яаралтай зөвлөгөө өгөх ажлыг зохион байгуулж байна.

Агаарын харилцааны гэрээтэй орнууд руугаа онгоцоо нисгэж болно. Тийм харилцаагүй орнууд руу нисгэхэд бас хүндрэлтэй.

Тусгай үүргийн онгоцоор ирсэн, автозамаар ирсэн 3000 гаруй хүний биеийн байдлыг эцэслэн оношилсны дараа дараагийн нислэгээ хийх, дараагийн ээлжийн иргэдийг оруулж ирэх асуудал яригдана. Ингэхгүйгээр ар араас нь иргэдийг оруулж ирэх боломжгүй болно.

БНСУ руу сургууль руугаа буцмаар байна гэсэн 300 гаруй оюутан хүсэлтээ өгсөн. Тэднийг дараагийн тусгай үүргийн онгоцоор хүргэнэ.