“БНСУ-аас ирсэн хоёр хүний бие тогтвортой, Берлинээс ирсэн хүний бие хүндэвтэр байгаа”

Улсын онцгой комиссын хуралдаан дууссан ба  шийдвэрийг танилцуулж байна.

Эрүүл мэндийн сайд Д.Сарангэрэл “Франц хүнтэй ойрын хавьталтай 88 хүний хариу сөрөг гарсан. Шинэ гурван тохиолдлын хариуг өнөө өглөө дахин баталгаажуулсан ба халдвартай болох нь тогтоогдсон. Тэдэнтэй онгоцонд ойр суусан хүмүүсийг ХӨСҮТ-д авчирсан ба 61 хүнийх нь хариу сөрөг гарсан. Гурван сарын турш бид хамгаалалт хийж чадсан, аль ч улсын хэн ч өвдөх магадлалтай. Тиймээс буруутгах шаардлагагүй. Гурван иргэнийхээ эмчилгээг шуурхай эхлээд ажиллаж байна. Хувь хүний нууцлалтай холбоотой асуудал учир биеийн байдлыг тэр бүр зарлаад байх боломжгүй. Гэхдээ БНСУ-аас ирсэн хоёр хүний бие тогтвортой, Берлинээс ирсэн хүний бие хүндэвтэр байгаа” гэлээ.