ЭМЯ: БНХАУ-ын уламжлалт анагаахын жор, зааврыг авсан

Өнөөдрийн байдлаар нийт 293 сэжигтэй тохиолдол байна. 253 иргэн Токио-УБ чиглэлийн онгоцоор ирсэн. 63 иргэнд эмнэлгийн тусламж шаардлагатай тул Цэргийн Төв эмнэлэгт байрлуулсан. Бусад иргэдийг тусгаарлах байруудад хуваан байрлуулсан. 

Резидент эмч нарынхаа нөөцийг гаргаж, эмнэлгийн хүч нэмэгдүүлэн бэлэн байдалд ажиллуулж байна. Тусгаарлах журам эмнэлэг, сувиллын газруудад нэгэн ижил үйлчилж байна. 

Халдварлах, нас барах, хүндрэх аргачлалыг ДЭМБ гаргасан. Энэ аргачлалын дагуу манай улсын эрүүл мэндийн байгууллага ажиллаж байна. Нийт дүүргүүдийн эмнэлгүүдийн орны 10-15 хувийг эрчимт эмчилгээний шугамаар ажиллуулахаар бэлэн байдалд байна. 

БНХАУ-ын эрүүл мэндийн байгууллага вирусийн халдварыг эмчилж байгаа уламжлалт анагаах ухааны жор, зааврыг авч, батлуулсан.