Франц иргэний хамгийн ойрын хавьтагч Англи иргэний сорьц өнөөдөр гарна

Коронавирусын халдвар авсан нь шинжилгээгээр батлагдсан Франц иргэнтэй хамт нэг онгоцоор, зэрэгцээ суудалд зорчиж ирсэн Англи улсын, 67 настай иргэн Увс аймгийн Бөхмөрөн суманд гэрт тусгаарлагдсан байна. 2020 оны гуравдугаар сарын 11 нд Улаангом хотоос түүний сорьцыг Улаанбаатарлуу илгээсэн талаар тус аймгийн Онцгой комиссын дарга Д.Батсайхан мэдэгдсэн. 

Шинжилгээний хариу өнөөдөр /2020.03.13/ гарах юм. Англи улсын иргэний биеийн байдал хэвийн, ямар нэгэн өөрчлөгдсөн шинж тэмдэг илрээгүй бөгөөд түүнтэй хамт явсан жолооч, тогооч, орчуулагчийг мөн адил тусгаарласан байна.