Б.Дэлгэрсайхан: ”Арева” компанитай хамааралгүй гэдгээ хариуцлагатайгаар мэдэгдэж байна

УИХ-ын гишүүн Б.Дэлгэрсайхан хуулийн байгууллагад хандаж буйгаа мэдэгдлээ.  Учир нь түүнийг коронавирусын халдвар илэрсэн “Арева” компанийн ажилтан Франц хүнтэй холбоотой гэх илт худал мэдээ, пост, комментыг “Босоо Хөх Монгол” ТББ-ын гишүүдийн зүгээс зохион байгуулалттай цацах болсон байна.  Тиймээс Үндэсний аюулгүй байдалд заналхийлж, аймгаар нь шатаахыг уриалж, турхирч, улстөржүүлж байгаа үйлдлийг шалгуулж хуулийн зохих арга хэмжээг авах нь зүйтэй хэмээн үзжээ.  Тэрээр  “Миний хувьд тус Франц иргэнтэй ямар ч холбоогүй, огт танихгүй ба түүний ажилдаг гэх Арева компанитай ямар ч хамааралгүй гэдгийг хариуцлагатайгаар мэдэгдэж байна гэжээ.  Мөн  аймгийн өмнөх удирдлагууд сонгуулийн өмнө буюу 2016 оны тавдугаар сард тус “Арева” компанид Ашиглалтын тусгай зөвшөөрөл олгохыг дэмжсэн байдаг юм билээ. Үүнийг эсэргүүцэж 2017 онд одоогийн аймгийн Засаг дарга Т.Энхтүвшингийн тус компанийн ашиглалтын тусгай зөвшөөрлийг цуцлахыг хүссэн албан бичгийг миний бие дэмжиж, АМГ-т хүргүүлсэн байгаа. Цаашид ч Арева компанийн үйл ажиллагааг зогсоож, тусгай зөвшөөрлийг цуцлуулахын төлөө аймгийнхаа зохих байгууллагуудтай хамтран ажиллах болно гэдгийг албан ёсны цахим хуудсаараа дамжуулан онцолжээ.

Эх сурвалж:www.polit.mn