Д.Сарангэрэл: Францын иргэн Улаанбаатарт 40, Дорноговь аймагт компанийнхаа 80 хүнтэй уулзсан

Эрүүл мэндийн сайд Д.Сарангэрэл: 

Тэрбээр "Гуравдугаар сарын 2-ны өдөр Москва-Улаанбаатар чиглэлийн онгоцоор ирсэн Франц улсын иргэнээс эхний шатны шинжилгээгээр коронавирусийн халдварын эерэг буюу халдвартай гэсэн шинжилгээний хариу гарсан. Давтан шинжилгээ хийж баталгаажуулна.

Тухайн гадаадын иргэн гуравдугаар сарын 7-ны өдөр халуурах шинж тэмдэг илэрлээ гэсэн даруйд тусгаарласан. Түүнтэй уулзсан, нэгдүгээр хавьтлын хүмүүсийн нэрс, байршлын мэдээллийг авсан.  

Франц иргэн Баянгол ресторанд буудалласан бөгөөд Ариг, Веранда ресторанд очиж хоол идэн, КФС-ээс хоёр удаа хоол захиалан идсэн байсан. Мөн Улаанбаатар хотод компанийнхаа 40, Дорноговь аймагт 80 хүнтэй уулзсан. Тухайн тохиолдол батлагдсанаас хойш ойрын хавьтал хүмүүсийг тусгаарлан, шинжилгээ авч байна" гэв. 

Манай улсын хувьд БНСУ, Хятад, Япон, Иран, Итали улсаас ирж буй иргэдийг тусгаарлах арга хэмжээ авч байсан бөгөөд тухайн иргэнд өөрийгөө 14 хоног тусгаарлах зөвлөгөө өгсөн ч биелүүлээгүй байна.