ЭМЯ-аас Сovid-19 вирустай холбоотой нөхцөл байдал, авч хэрэгжүүлж байгаа арга хэмжээний талаар мэдээлэл хийж байна

-Тусгаарлах байранд байгаа зарим иргэд зохисгүй байдал гаргаж, нэг ч иргэн төлбөрөө хийгээгүй байна. Солонгост суралцаж байгаа визийг сунгана. Анх виз аваад хугацаандаа амжиж яваагүй оюутнууд Улаанбаатар дах Элчин сайдын яаманд хандах боломж нээлттэй. Гэрээт ажилтнууд ч визийг мөн сунгана. Зөвхөн БНСУ гэлтгүй ГХЯ нь дэлхий даяар амьдарч байгаа 180 мянган иргэдийн эрх ашгийг хамгаалах тал дээр ажиллаж байна.

-Хятад улс сахилга баттай, иргэд нь төрөөс авч байгаа арга хэмжээг сайн хэрэгжүүлж байна. Гэвч зарим газар хэрэгжүүлэхэд тун хялбар заавар зөвлөгөө өгч байхад биелүүлэхгүй байх явдал гарч байна.

-Монгол улсын иргэнийг гадаад руу аялах эрхийг хориглоогүй. Ямар ч улс руу нээлттэй. БНСУ-ын 160 сургуулийн хичээлийн шинэ жил эхлэхийг хойшлуулсан. Нөхцөл байдал маш хурдан өөрчлөгдөж байгаа тул цаашид яаж өөрчлөгдөхийг хэлж мэдэхгүй байна.

-ЭМЯ зөвхөн бодит мэдээлэл дээр үндэслэж ярьж, мэдээлж байгаа.

- Гуравдугаар сарын 8-ны өдрийн байдлаар COVID-19 халдвар дэлхийн 105 улсад бүртгэгдэж, тохиолдлын тоо 105,586 боллоо.

Сүүлийн 24 цагийн дотор дэлхийн хэмжээнд 98 хүн нас барсан. 

Нэг өдөрт 1,000-аас дээш халдвар бүртгэгдсэнээр Иран, Итали улс анхаарал татаж байна. Европын хамгийн том дэгдэлт Италид улсад явагдаж байгаа юм. Харин Өмнөд Солонгост дэгдэлт буурах хандлага ажиглагдаж байна.