Нөөцийн мах: Үхрийн мах 7700, хонины мах 6700, ямааны мах 6200 төгрөгөөр худалдаалагдана

2019 онд 4000 тонн мах нөөцөлсөн. Гэвч нөөцийн махны хомсдол үүсэж эхэлсэн. Тиймээс энэ жил нөөцийн махыг 20 мянган тонн болгох чиглэлийг Засгийн газраас өгсөн байна.

Өнөөдрийн байдлаар 12 мянган тонн махыг нөөцлөн, хөөрдөж, савлаад худалдаанд гаргахад бэлэн болгосон байна.

Нэг өдөрт 279 дэлгүүр бүрт 289 кг мах худалдаанд гаргахад  2020.07.01 хүртэл  хэрэглэх мах бэлэн байгааг Ерөнхий менежер Т.Гантөмөр хэллээ. Улаанбаатар хот 174 хороотой. Түүний 147 хорооны 279 дэлгүүрээр нөөцийн махыг худалдаална. Өнөөдрөөс нөөцийн махыг худалдаанд гаргах ажлыг эхлүүлж байгаа юм байна.

Коронавирусийн хорио цээртэй холбоотойгоор экспорт, импортын асуудал хүндэрч болзошгүй. Нийт 15 ААН экспортлох гэрээ байгуулсан байна. Гэхдээ хорио цээрээс үүдээд экспорт удааширвал тэдний махыг дотоодын хэрэгцэнд нийлүүлэх чиглэлийг Засгийн газраас өгсөн байна.

Нөөцийн мах савлагаандаа 2-3 кг-аас хэтрэхгүй байх ба иргэд 2-3 уутыг худалдан авах боломжтой.

Нөөцийн мах үнийн хувьд Засгийн газраас тогтоосны дагуу үхрийн мах кг нь  7700, хонины мах кг нь  6700, ямааны мах 6200 төгрөгөөр худалдаанд гарна. Энэ үнэн дээр дэлгүүрүүд  кг тутамд 200 төгрөг нэмж худалдаалах юм байна.