Ээжийнх нь хамтран амьдрагч ойтой хүүхдийг хазаж, хоолойг нь боож хүчирхийлжээ

Архидалт, ахуйн хүрээний осол аваар, гэр бүлийн хүчирхийллийн улмаас биеэ хамгаалах чадваргүй бага насны хүүхэд хохирсон хэргүүд бүртгэгдэж байна. Тодруулбал, энэ сарын 6-ны өдөр Хөвсгөл аймгийн Мөрөн суманд нэг настай П охиныг ээжийнх нь хамтран амьдрагч хүчирхийлсэн хэрэг гарлаа. Тодруулбал, охины ээжийн хамтран амьдрагч 30 настай О гэгч согтуурсан үедээ охины гуянаас хазаж, хүзүүг нь боож хүчирхийлжээ.

Охин  эмнэлгийн байгууллагаас тусламж авч байгаа бөгөөд гэмтлийн зэргийг тогтоох шинжилгээ хийгдэж байгаа юм байна.

Хүчирхийлэл үйлдэгчид гэр бүлийн хүчирхийлэл үйлдсэн, бусдын биед санаатайгаар гэмтэл учруулсан хэргээр Хөвсгөл аймгийн цагдаагийн газарт шалгаж байна.