Сумны шархтайгаар эмчлүүлж байсан Сүхбаатар аймгийн цагдаагийн ажилтан нас баржээ

Сүхбаатар аймгийн цагдаагийн ажилтнууд  ээлж солигдох үеэр санамсаргүй гал алдаж, нэг иргэн хүнд шархадсан талаар өмнө нь хэвлэлүүд мэдээлж байсан.Тодруулбал  2020.02.22-ны өглөөний 08:40 цагт “Цагдаа бусдад буудуулсан байна” гэсэн дуудлага тус аймгийн Нэгдсэн эмнэлгийн Яаралтай түргэн тусламжийн газарт ирж, улмаар  Цагдаагийн газарт ажилладаг 46 настай Б нь хэвлийн хөндий, цээжин хэсэгтээ буудуулсан байдалтай эмнэлэгт хүргэгджээ. Шарх авсан цагдаагийн ажилтны биеийн байдал хүнд байсан тул Цэргийн төв эмнэлэг рүү шилжүүлэн, эмчилж байсан ч өчигдөр /2020.03.02/ нас барсан байна.