ХӨСҮТ: Итали улсын Милан хотоос ирж тусгаарлагдсан зургаан иргэний шинжилгээний хариу сөрөг гарсан

ЭМЯ-аас коронавирусийн нөхцөл байдал, тархалтын дэгдэлтийг зогсоох талаар авч байгаа арга хэмжээний талаар мэдээлэл хийж байна.

ЭМЯ-ны Тандалт, шуурхай удирдлагын хэлтсийн дарга Д.Нарангэрэл:

-Гараа ариутгах, спиртийн суурьтай ариутгагчаар гараа цэвэрлэх зөвлөмжийг иргэд сайн биелүүлж байна. Үүнийг дагаад амьсгалын замаар дамждаг ба гэдэсний халдварт өвчний тархалт ихээхэн багассан. Иймд цаашид ч коронавирусийн тархалтаа сэргийлэх арга хэмжээг авсан хэвээр байвал ханиад, гахайн хавдар, томуу зэрэг өвчний тохиолдол цөөрөх болно. 

ДЭМБ-ын мэргэжилтэн О.Ариунтуяа:

-Covod -19-bat 1739 шинэ халдвар бүртгэгдсэн 87 137 тохиолдол болсон. 53 нас баралт бүртгэгдсэн. Өмнөд Солонгост 586-н тохиолдлоор нэмэгдэж, нийт 3736 тохиолдол болсон. Солонгост тохиолдлыг илрүүлэх тандалтыг маш сай хийж байгаа. Иранд 385 тохиолдол бүртгэгдэн 975 болсон. Иран нас баралтаараа Хятадын дараа орж байна. Японд 239 тохиолдол болсон.

Мөн Итали Улсын Милан хотод болсон загварын шоунд оролцоод ирсэн Өмнөд Солонгосын дуучин Чонхагийн хамт явсан бүрэлдэхүүнээс 2 хүн нь корона19-ийн халдвар илэрсэн. Тус энэхүү арга хэмжээнд манай улсын зургаан иргэн оролцсон байдаг бөгөөд тухайн иргэдийг ирмэгц нь тусгаарлаад байсан юм. Өнөөдөр ХӨСҮТ№ээс тус зургаан иргэнээс авсан шинжилгээний хариу сөрөг гарсан гэдгийг мэдээллээ.