2006 оны 20 мянгатын дэвсгэртийг гүйлгээнээс татаж эхэллээ

Монголбанкны Ерөнхийлөгчийн тушаалаар 2006 онд үйлдвэрлэсэн 20 мянган төгрөгийн мөнгөн дэвсгэртүүдийг өнөөдрөөс /2020.03.02/ гүйлгээнээс татаж эхэллээ. Иргэд 2022 оны гуравдугаар сарын 1-ний өдрийг хүртэл төв болон арилжааны банкуудаар үйлчлүүлж, хуучин дэвсгэртээ шинэ болгон солиулах боломжтой.

2006 оны 20 мянгатын дэвсгэртүүд нь хамгаалалтын элемэнт хангалтгүй хэвлэгдсэн байдаг тул хуурамчаар үйлдэгдэх нь их гэдгийг албаны хүмүүс тайлбарласан юм. Харин шинээр хэвлэгдсэн дэвсгэртүүд нь сүүлийн үеийн технологиудыг шингээсэн, таних тэмдэг бүхий нэжгээд хамгаалалтын тэмдэгтэй. 2006 оны 20 мянгатын дэвсгэртийгг гүйлгээнээс татаж байгаа ч үүгээр худалдаа, арилжаа хийхийг зөвшөөрч байгаа юм. Мөн Монголбанкнаас 2019 онд үйлдвэрлэгдсэн 20 мянгатын дэвсгэртийг гүйлгээнд гаргахаар төлөвлөөд байгаа юм.